The Moon LAB

သုၚ်စောဲ Command Line တုဲစုတ်ကောန်ဍေၚ်မန်ပ္ဍဲ linux [Mon Keyboard for Linux] ကောန်ဍေၚ်ပြဟ်ဟ်ဏံ နွံဗီုပြၚ်ၜါ ဗီုပြၚ်နာဲမိက်ဂွံသုၚ်စောဲဂှ် ရုဲကေတ်တုဲ စုတ်ဂွံရ။ ပ္တိုန်လဝ်ကဵု xkb အတိုၚ်ၜါရ။ ဆ္ဂး ဆလအ်ပါကၠုၚ်ရောဂှ်ဟွံတီဏီတုဲကၠောန်စွံလဝ်ကဵုရ။ ယဝ်ပါကၠုၚ်မ္ဂး က္လေၚ်ပလီု repo တံဏံရောၚ်။ ကၠာဟွံပါကၠုၚ် ယဝ်မိက်ဂွံသုၚ်စောဲဏောၚ်ဟီုတှ်ေ သုၚ်စောဲမာန်ရ။  တုဲပၠန် ယဝ်သုၚ်စောဲ command line မ္ဂး ပိုဲတံ ဟွံဒးထုဲကဵု copy/paste code xkb ဗီုပြၚ်ကၠာတေံရ။ ကောန်ဍေၚ်ကၠာအိုတ်ဂှ်တှ်ေ ကောန်ဍေၚ် A = ေ/ဗ။ ကောန်ဒုတိယဂှ် ကောန်ဍေၚ် A = အ။ ပြဟ်ဟ်ဏံကၠောန်လဝ် repo နွံၜါရ။ မိက်ဂွံသုၚ်စောဲ ဗီုပြၚ် ကၠာဂှ် မ္ဂး ဍဵုအဏံ ညိ။ ပ္ဍဲဂှ် ဗီုဂွံစုတ်လေဝ် ချူလဝ်ရ။  မိက်ဂွံသုၚ်စောဲ ဗီုပြၚ် ဒုတိယ မ္ဂး ဍဵုအဏံ ညိ။ ပ္ဍဲဂှ် ဗီုဂွံစုတ်လေဝ် ချူလဝ်ရ။  တုဲမ္ဂး သ္ပ log out ညိ။ ဟွံသေၚ်မ္ဂး သ္ပ Restart ညိ။   

 Mon Keyboard သွက် Ubuntu/Linux တ္ၚဲဏံကလေၚ်ပတုဲလဝ် ကောန်ဍေၚ်သွက် Ubuntu ရ။  ကၠာတေံ ကၠောန်ကၠုၚ်လဝ်သွက်ဇကု ဂွံသုၚ်စောဲသၟးတုဲ ပံၚ်စုတ်လဝ်သီု လိက်ဗၟာရ။ ပ္ဍဲကဵု ပါယှေန်ဏံဂှ် ပ္တိတ်လဝ် အရာဟွံဆေၚ်ကု လိက်မန်ကီု သၚ်္ကေတ လ္ၚဵုတံကီုတုဲ ထပ်စုတ်လဝ်လိက်ပါဠိရ။  ကောန်ဍေၚ်ဏံဂှ်စၟဳလဝ် သွက်ဂွံပ္တိုန်ပ္ဍဲ  xkb  တေံတုဲ ပ္ဍဲကဵု Ubuntu 21.10 ဟွံသေၚ်တှ်ေ ၜိုတ် Ubuntu 22.04 တေံညံၚ်ဂွံပါကၠုၚ်ပ္ဍဲစက်တုဲတုဲ ဂှ်ရန်လဝ်ရ။   မန်ပၠန်ဂှ် ဗီုပြၚ် A1 Mon လေဝ် ဂွံကၠောန်ပ္တိတ်မာန်ပၠန်ဂှ်ဂ္စာန်အာကဵုဏောၚ်။ ယဝ်မိက်ဂွံသုၚ်စောဲမ္ဂး ကောန်ဍေၚ်ဏံလၟုဟ်မ္ဂးလေတ် သုၚ်စောဲမာန်ရ။ ကေတ် ဒၞါဲဏံ  ညိ။  ဗီုဂွံစုတ်သုၚ်စောဲ ပိုဲပံက် File တုဲ အာကဵု other location ညိ။ တုဲမ္ဂး ပံက်ကဵု Computer >usr>share>X11>xkb>symbols ညိ။ စိုပ်ပ္ဍဲ Folder တေံမ္ဂး Right Click လ္တူ ဒၞာဲသၠးတုဲ open in terminal ညိ။ တုဲမ္ဂး တက်စုတ် sudo chmod 777 mn ညိ။ mn ဟီုဂှ် ယၟု symbol ပိုဲမိက်ဂွံပြံၚ်ဟေၚ်။ ပၟိက်စိုတ်ရ တုဲမ္ဂး ကၟာတ်ထောံ terminal တုဲ ပံက် file ဟွံသုၚ်စောဲမွဲမွဲ ဂှ်ညိ။ ဥပမာ- mongolia - mn ။ File mon-mnw ဂှ် ပံက်တုဲ copy ဖအိုတ်ညိ။ တုဲမ္ဂး အာ paste

 ဂွံသ္ပ နူ Upgrade Ubuntu 20.04 ဂွံဒှ် Ubuntu 21.04 နွံၜါနဲရ (GUI ကေုာံ Terminal)  နဲ သုၚ်စောဲ Graphical Update Manager တုဲ သ္ပ Upgrade ကိုပ်ကၠာအိုတ် ပိုဲပံက်  software updater  နူကဵု Menu သပ်ဝဴညိ။ ဍေံကၠာဲကဵု တၚ်နၚ် သပ်ဝဴတၟိတၟိသွက်စက်ရ။တုဲမ္ဂး ဍဵုကဵု  Install Now  တုဲ တက်စုတ် password ညိ။  ယဝ်ရ Kernel တၟိတၟိ ဍေံစုတ်ကဵုတုဲမ္ဂး ဍေံကဵုပံက်ကၟာတ်စက်ရ။ ဍဵု  Restart Now  ညိ။ တုဲမ္ဂးအာပံက်  Software & Updates  နူ menu ညိ။ ဗီုပြၚ် သပ်ဝဴ ( ဗီုနူ လေန်နေတ်ဘေ) သၟဝ်ဂှ် ရုဲကေတ်   Updates  တုဲ ပ္ဍဲသၟဝ်တေံ နူ  For long-term support version  ဂှ် ပြံၚ်ထောံ  For any new versionညိ။  ဍေံအာတ် Password မ္ဂးစုတ်ကဵုညိ။  တုဲမ္ဂးပံက် Terminal တုဲ တက်စုတ် အမိၚ်သၟဝ်တေံညိ။ update-manager ဍေံစၟဳစၟတ်ကဵု update တုဲမ္ဂး Update manager လဴထ္ၜးကဵု 21.04 ရ။ ဍဵု Upgrade ညိ။ လိက်တၟိမုက်ကၠုၚ်မွဲတၞးတုဲမ္ဂး ဍဵု Upgrade ညိ။ ဂွံမွဲလစုတ်မ္ဂး ဍေံသၟာန်မိက်ဂွံပ္တိုန် Upgrade ဟာရ။  ဍဵုကဵု Start Upgrade ညိ။ အကြာဂှ်ယဝ်ဍေံသၟာန် Remove obsolete packages? ဟာတှ်ေတန်တဴကဵု စိုတ်နာဲရ။ အဲတှ်ေ အဲ ပ္တိတ်ထောံတွဵုရ။  Obsolete packages ဟီုဂှ်တှ်ေ

 Ubuntu Grub failed! ပြသၞာတမ်မူလ နူကနေံတေံ သုၚ်စောဲ ခါလဳ ဟွံဂွံတုဲ ကလေၚ်ပ္တိုန် ဥူပုန်ထူ ရ။ အဃောပတိုန်မံၚ်ဂှ် စဵု 99 %  ဂှ် ပြေပြံၚ်ကီုလေဝ် တုဲအာဗက်ဂှ် ပြသနာ Grub က္တဵုဒှ်ကၠုၚ်ရ။  ဗဵု အတိုၚ်သၟဝ်တေံညိ။  ဥူပုန်ထူဂှ် လုပ်အာပ္ဍဲစက် ပေၚ်ၚ်ရ။ ဆ္ဂး ယဝ်ပိုဲက္လေၚ်ပံက်  စက်မ္ဂး Grub menu ဒှ် Error လုပ် ဥူပုန်ထူဟွံဂွံရ။  ဗီုလဵုဂွံသောၚ်ပြသၞာဏံရော ဂွံသောၚ်ပြသၞာဂှ်တှ်ေ ပိုဲသုၚ်စောဲ နဲကဲစုၚ်တက် စုတ်အမိၚ် ပ္ဍဲTerminal တေံလေဝ်ဂွံရ။ ဆ္ဂး သွက်ရဲသုၚ်စောဲတၟိတၟိတံမ္ဂး ဒှ်အခက်ခုဲ မာန်ရ။  သုၚ်စောဲ  Boot Repair တုဲ ပလေဝ်မ္ဂ:လောဲသွာရ။  တှ်ေပံက်ဂှ်လေဝ်ဟွံဂွံ ဗီုလဵု ပိုဲသ္ပရော။ ပိုဲ ကလေၚ်စုတ် Installation Device/USB ပိုဲသုၚ်စောဲလဝ် ဂွံပ္တိုန်လဝ်စက်ဂှ် ပၠန်ရ။ တုဲမ္ဂး ပိုဲကေတ် "Try Ubuntu" တုဲ ပိုဲဆက်စၠောံထောံ Wifi မွဲတုဲကၠာညိ။ လၟုဟ်မ္ဂးပိုဲတံပံက် Terminal တုဲ တက်စုတ် အမိၚ်သၟဝ်ဏံညိ။ sudo add-apt-repository ppa:yannubuntu/boot-repair   sudo apt-update  sudo apt-get install boot-repair တုဲမၚ်မွဲလစုတ်ညိ  တုဲမ္ဂးပိုဲအာပံက် Boot Repair ညိ။  သၟဝ်ဏံဂှ် ဗီု Boot Repair ရ။ ပံက်ဍေံတုဲမ္ဂး ဍေံ Scan Boot မွဲလစုတ်တုဲမ