နဲကဲ Upgrade Ubuntu 20.04 LTS to Ubuntu 21.4

 ဂွံသ္ပ နူ Upgrade Ubuntu 20.04 ဂွံဒှ် Ubuntu 21.04 နွံၜါနဲရ (GUI ကေုာံ Terminal) 

နဲ သုၚ်စောဲ Graphical Update Manager တုဲ သ္ပ Upgrade

ကိုပ်ကၠာအိုတ် ပိုဲပံက် software updater နူကဵု Menu သပ်ဝဴညိ။ ဍေံကၠာဲကဵု တၚ်နၚ် သပ်ဝဴတၟိတၟိသွက်စက်ရ။တုဲမ္ဂး ဍဵုကဵု Install Now တုဲ တက်စုတ် password ညိ။ 

ယဝ်ရ Kernel တၟိတၟိ ဍေံစုတ်ကဵုတုဲမ္ဂး ဍေံကဵုပံက်ကၟာတ်စက်ရ။ ဍဵု Restart Now ညိ။

တုဲမ္ဂးအာပံက် Software & Updates နူ menu ညိ။

ဗီုပြၚ် သပ်ဝဴ ( ဗီုနူ လေန်နေတ်ဘေ)

သၟဝ်ဂှ် ရုဲကေတ်  Updates တုဲ ပ္ဍဲသၟဝ်တေံ နူ For long-term support version ဂှ် ပြံၚ်ထောံ For any new versionညိ။ ဍေံအာတ် Password မ္ဂးစုတ်ကဵုညိ။ 

တုဲမ္ဂးပံက် Terminal တုဲ တက်စုတ် အမိၚ်သၟဝ်တေံညိ။

update-manager

ဍေံစၟဳစၟတ်ကဵု update တုဲမ္ဂး Update manager လဴထ္ၜးကဵု 21.04 ရ။ ဍဵု Upgrade ညိ။

လိက်တၟိမုက်ကၠုၚ်မွဲတၞးတုဲမ္ဂး ဍဵု Upgrade ညိ။

ဂွံမွဲလစုတ်မ္ဂး ဍေံသၟာန်မိက်ဂွံပ္တိုန် Upgrade ဟာရ။  ဍဵုကဵု Start Upgrade ညိ။

အကြာဂှ်ယဝ်ဍေံသၟာန် Remove obsolete packages? ဟာတှ်ေတန်တဴကဵု စိုတ်နာဲရ။ အဲတှ်ေ အဲ ပ္တိတ်ထောံတွဵုရ။ 

Obsolete packages ဟီုဂှ်တှ်ေ အပြောံမ္ဂး packages ညးချူသပ်ဝဴတံဒေါဴဇူလဝ်  အရာတၟိတၟိသွက်ဍေံဟွံတိတ်ရတံမဒှ်ရ။

တုဲဒှ်အာအိုတ်မ္ဂးကလေၚ် ပံက်ကၟာတ်စက်မၞးညိ။ ပံက်စက်တုဲ စမ်ၜတ် သ္ၚဳဂၠိပ် ပါရှေန် စက်အတိုၚ်သၟဝ်တေံဂွံရ။ တက်စုတ်ပ္ဍဲ Terminal ညိ။

lsb_release -a

ဍေံမံက်တိုန်ကဵုအတိုၚ်သၟဝ်တေံမာန်ရ။ 

No LSB modules are available.
Distributor ID:	Ubuntu
Description:	Ubuntu 21.04
Release:	21.04
Codename:	hirsute

_______________________________________________________________
သုၚ်စောဲ Terminal တုဲ Upgrade နူ Ubuntu 20.04 ဂွံစိုပ် 
Ubuntu 21.04 
ဂွံသ္ပ Upgrade ဂှ်ကၠာအိုတ်ပိုဲသုၚ်စောဲအမိၚ်သၟဝ်ဏံတုဲ သ္ပ Update စက်ပိုဲကၠာညိ။

sudo apt update && sudo apt dist-upgrade
တုဲတှ်ေ ပိုတံဒးစုတ်  update-manager-core ရ။
sudo apt install update-manager-core
တုဲမ္ဂး သုၚ်စောဲ စက်ပလေဝ်လိက်မွဲမွဲ ဗီုကဵု Nano တုဲ ဒးချူပြံၚ်လိက် ပ္ဍဲ  /etc/update-manager/release-upgrades ရ။ 

sudo nano /etc/update-manager/release-upgrades
ပ္ဍဲ Prompt ဒၞါဲ lts ဂှ်ပိုဲပြံၚ်ချူ normal ညိ။



တုဲမ္ဂး ဂွံဂိုၚ်စွံဂှ် ပိုဲဍဵု Ctrl+O တုဲ Enter ညိ။ ဂွံတိတ်နူသပ်ဝဴဂှ်ပိုဲဍဵု Ctrl+X ညိ။ တုဲမ္ဂးပိုဲတက်စုတ် 

do-release-upgrade
တုဲမ္ဂးမၚ်ဍဵုမံၚ်ကဵု အတိုၚ်ဍေံစၞောန်ညိ။ ဗွဲမဂၠိုၚ်ဒးဍဵု y ရ။ စိုပ်ဒၞါဲဏံမ္ဂးစိုတ်ကဵုဂၠိၚ်ညိ။ ဒးမၚ်ၜိုတ် ၁နာဍဳပြၚ် လဆောဝ်တှ်ေဒးမၚ် ပွိုၚ် ၂ နာဍဳပြၚ််မာန်
ရ။

ပြသၞာဒှ်ကၠုၚ်မာန်
ပ္တိုန်တုဲပံက်စက် ပ္ဍဲမုက် Log In ဂှ် တက်လိက်ဂွံကီုလေဝ်ပ္ဍဲစက်တေံပံက်မ္ဂး ကောန်ဍေၚ်၊ဍောၚ်လဵုမွဲလေဝ်ဟွံကၠောန်ကမၠောန်ဂှ်ဂွံဆဵုကေတ်မ္ဂး
ကလေၚ်အာ login ပၠန်ညိ။ တုဲမ္ဂးရုဲကဵု ယၟုဇကု ကၠာဟွံဂွံတက် password ဏီဂှ် လ္ပာ်သၟဝ်တုဲပုၚ် မရုပ်စက်နွံမွဲရ ဍဵုလ္တူဂှ်တုဲ စၞး Ubuntu 
ဂှ်ရုဲကေတ် Xubuntu ဟွံသေၚ်မ္ဂးရုဲကဵုတၞဟ်ဟ်မွဲမ္ဂး ကောန်ဍေၚ်တံ ကောန်ဍောၚ်တံကလေၚ်ကၠောန်ကမၠောန်ပၠန်ရ။