Mon Unicode Keyboard for Ubuntu/Linux

 Mon Keyboard သွက် Ubuntu/Linux

တ္ၚဲဏံကလေၚ်ပတုဲလဝ် ကောန်ဍေၚ်သွက် Ubuntu ရ။  ကၠာတေံ ကၠောန်ကၠုၚ်လဝ်သွက်ဇကု ဂွံသုၚ်စောဲသၟးတုဲ ပံၚ်စုတ်လဝ်သီု လိက်ဗၟာရ။ ပ္ဍဲကဵု ပါယှေန်ဏံဂှ် ပ္တိတ်လဝ် အရာဟွံဆေၚ်ကု လိက်မန်ကီု သၚ်္ကေတ လ္ၚဵုတံကီုတုဲ ထပ်စုတ်လဝ်လိက်ပါဠိရ။ 

ကောန်ဍေၚ်ဏံဂှ်စၟဳလဝ် သွက်ဂွံပ္တိုန်ပ္ဍဲ xkb တေံတုဲ ပ္ဍဲကဵု Ubuntu 21.10 ဟွံသေၚ်တှ်ေ ၜိုတ် Ubuntu 22.04 တေံညံၚ်ဂွံပါကၠုၚ်ပ္ဍဲစက်တုဲတုဲ ဂှ်ရန်လဝ်ရ။  

မန်ပၠန်ဂှ် ဗီုပြၚ် A1 Mon လေဝ် ဂွံကၠောန်ပ္တိတ်မာန်ပၠန်ဂှ်ဂ္စာန်အာကဵုဏောၚ်။ ယဝ်မိက်ဂွံသုၚ်စောဲမ္ဂး ကောန်ဍေၚ်ဏံလၟုဟ်မ္ဂးလေတ် သုၚ်စောဲမာန်ရ။ ကေတ်ဒၞါဲဏံ ညိ။ 

ဗီုဂွံစုတ်သုၚ်စောဲ

ပိုဲပံက် File တုဲ အာကဵု other location ညိ။

တုဲမ္ဂး ပံက်ကဵု Computer >usr>share>X11>xkb>symbols ညိ။

စိုပ်ပ္ဍဲ Folder တေံမ္ဂး Right Click လ္တူ ဒၞာဲသၠးတုဲ open in terminal ညိ။ တုဲမ္ဂး တက်စုတ်

sudo chmod 777 mn

ညိ။

mn ဟီုဂှ် ယၟု symbol ပိုဲမိက်ဂွံပြံၚ်ဟေၚ်။ ပၟိက်စိုတ်ရ

တုဲမ္ဂး ကၟာတ်ထောံ terminal တုဲ ပံက် file ဟွံသုၚ်စောဲမွဲမွဲ ဂှ်ညိ။ ဥပမာ- mongolia - mn ။

File mon-mnw ဂှ် ပံက်တုဲ copy ဖအိုတ်ညိ။ တုဲမ္ဂး အာ paste စုတ်ပ္ဍဲကဵု mn တေံတုဲ save ညိ။ တုဲဒှ်အာမ္ဂး အာပ္ဍဲ

Setting>>Region and Language>>input source>>+>>Mongoliaညိ။

သုၚ်စောဲ ကောန်ဍေၚ်ယူနဳကုက် မန် ဂွံရအဴ။

ကဵုဂွံပြေပြံၚ်အိုတ်ညိအဴ။